Noticeboard

2020 Reflections

Date: Dec 24, 2020

Station Manager reflects on 2020

Station Manager reflects on 2020

Xewani himina Tebogo Jacko Magubane Mufambisi wo khomela wa Xitichi xa Munghana Lonene FM.

Lembe ra 2020 rivile lembe roka ringa tolovekangi laha makungu ya votala , ku katsa na hina eka Munghana Lonene FM yanga boheka ku cinca.

Eka lembe leri Munghana Lonene FM a tlangela 55 wa malembe ari emoyeni. Hi tiyisisile vukona bya hina eka xiyenge xa vuhaxi hiku tsarisa tinhlayo ta vayingiseri tale henhla. Ku fikela sweswi, hina  vayingiseri vo tlula miliyoni na madzana mbirhi wa magidi, Hiri kudya iku engeta!

Munghana Lonene FM u tlhela ava xitichi xo korhokela vaaka tiko lexinga na valandzeleri votala swinene eka Twitter ku tlula switichi hinkwaso e Africa Dzonga, leswi swi tiyisisa kahle leswaku Munghana Lonene FM u yingisela hi vanhu lava fambaka na minkarhi na ku twisisa thekinoloji.

Eka lembe leri hi boheke ku cinca ma-endlelo laha van’wana va vahaxi va hina lavanga ntokota kuku tisela minongonoko vari emakaya ya vona, hiku tirhisa maendlelo ya thekinoloji ya xi manguva lawa. Leswi swihi pfunile swinene ku lavisisa maendlelo yo anstswa ku ku phamela vuhaxi.

Hi tlhele hi kota kuku tisela masagwadi ya Vuyimbeleri bya Xitsonga hi Ndlela ya Virtual.

Hi tlhele hi kota kuva xihlovo xa mahungu na vuxokoxoko eka nkarhi lowu tiko ringana torha ra tinhlamulo loko swita eka mahungu lawa ya fambelanaka na COVID-19.

Munghana Lonene uyise emahlweni makungu yo aka vuxaka byo antswa na vurhangeri bya ndhavuko (tihosi). Laha hiti tihlanganisile no aka vuxaka xikanwe na ku kondletela xinakulorhi ni vukosi byo hambana-hambana.

Hi lembe ra 2020 hi tiyisisile kungu ra hina ro hlotana no kurisa vahaxi lavantshwa. Hitaya emahlweni hi endla tano ku kuma no aka tinyeleti ta mindzuku.

Hiya emahlweni hi tiyisisa leswaku vusiku na nhlikani kutshwa skoropo  - hiri karhi hi korhokela wena.

A hi hlayisekeni, hiya emahlweni hi ambala ti Mask, hi hlamba mavoko nkarhi na nkarhi naku siya mpfhuka wokarhi loko hiri na vanhu van’wana, leswi swita hi pfuna eka ku lwisana na ghandlati ra vumbirhi ra COVID-19. Hinga n’wi switswotswi hi tlhela hi chayela, ahi landzeleleni milawu ya le magondweni .

Hi mi navelela  minkateko na rihanyu lerinene eka lembe lerintshwa ra 2021, hiri mpfula ya minkateko ayi mi neli

Inkomu!

 

 

Comments

comments powered by Disqus

Web Content Viewer (JSR 286)

Actions
Loading...

ADVERTISEMENT

Web Content Viewer (JSR 286)

Actions
Loading...
Complementary Content
CLOSE

Your Name:*

Your Email:*

Your Message:*

Enter Captcha:*