XIKOMBELO XA KU LANGIWA

KU THORIWA KA SWIRHO EKA BODO YA NHLANGANO WA SWA VUHAXI WA AFRIKA-DZONGA (SABC)

Mihlangano na/kumbe vanhu va rhambiwa ku langa vanhu ku pfala swivandla swa swirho leswi nga riki

xiphemu xa vufambisi eka Bodo ya Nhlangano wa swa Vuhaxi wa Afrika-Dzonga tanihilaha swi vekiweke hakona eka Xiyenge xa 13 xa Nawu wa swa Vuhaxi wa Nomboro ya 4 wa 1999.

Nhlangano wa swa Vuhaxi wa Afrika-Dzonga wu tumbuluxiwile ku ya hi Nawu wa swa Vuhaxi wa (1936) tanihi bindzu ra mfumo ku nyika vukorhokeri bya vuhaxi bya rhadiyo na thelevhixini eka Afrika-Dzonga.

Swirho swa Bodo loko swi langutiwa swi ri swin’we, swi fanele swi va vanhu lava:

• va faneleke ku tirha eka Bodo ku ya hi mithwaso ya vona, vuswikoti na ntokoto eka swiphemu swa tidyondzo ta pholisi ya vuhaxi na thekinoloji, xinawana xa vuhaxi, nawu wa vuhangalasamahungu, tirhelo ra swa mabindzu na swa timali, nxaviso, vutekamahungu, vuhungasi na dyondzo, timhaka ta swa vaaki na swa vatirhi
• va tiyimiseleke eka vunene, ntshuxeko wo humesa mavonelo, mfanelo ya vaaki ku tivisiwa xikan’we na ku va erivaleni  na vutihlamuleri eka lava nga le hofisini ya vaaki
• va yimela swiyenge hinkwaswo swa vanhu va Rhiphabiliki
• va tiyimiseleke eka swikongomelo na milawu tanihilaha swi boxiweke hakona eka Chatara ya SABC
• nga vaakatiko va Afrika-Dzonga lava tshamaka eka Rhiphabiliki nkarhi hinkwawo.

Ku langiwa loku tsariweke ku fanele ku va na vito hi xitalo na adirese ya nhlangano na/kumbe munhu loyi a langiwaka, ku amukela loku sayiniweke hi muyimelakulangwa ka ku langiwa na Papila ra ku Titivisa ra wena, leri nyikaka katsongo vuxokoxoko lebyi landzelaka:

• Vito hi xitalo, nomboro ya pasi na rimbewu
• Adirese ya ku tihlanganisa, tinomboro ta riqingho na fekisi na adirese ya imeyili
• Ntokoto wa khale (ku tshahiwa masiku na mihlangano leyi khumbhekaka)
• Tikhopi leti tiyisisiweke ta mithwaso ya xiakhademiki na pasi.

Ku langiwa na swivutiso swi fanele ku kongomisiwa eka Komiti ya Vuangameri ya Huvo ya Rixaka eka swa Vuhlanganisi, (Kongomisa eka: Tatana Thembinkosi Ngoma, Matsalana wa Komiti) 3rd Floor, 90 Plein Street, Cape Town, 8000 kumbe imeyilela eka tngoma@parliament.gov.za kumbe fekisela eka 0865225740.

Swivutiso hi riqingho swi nga endliwa eka (021) 403 3733.

Siku ro pfala ku langiwa: Ravuntlhanu, 30 Khotavuxika 2017 hi 16:00.

Mi komberiwa ku tekela enhlokweni leswaku vayimelakulangwa va nga boheka ku kamberiwa mithwaso na ku va hava milandzu. Ku langiwa loku nga ta hlwela ku tisiwa ku nge tekeriwi enhlokweni.

Xi humesiwile hi Tatana CHM Maxegwana, Xirho xa Palamende – Mutshamaxitulu, Komiti ya Vuangameri ya Huvo ya Rixaka eka swa Vuhlanganisi.

 

www.parliament.gov.za